ZYMK

XII Zéńdzenié Młodëch Ùtwórców Kaszëbsczich

Kòmùdnô sobòta, deszcz padô, zëmno. Kùńc łżëkwiôta a zymkù nie je widzec. Zymkù jakno cządë rokù, bò Zymk jakno zéńdzenié młodëch ùtwórców kaszëbsczich pò dłudżi zëmòwi przerwie prawie terô mô sã òdbëc.
Wejrowò, 29 łżëkwiôta, gòdz. 10.00 kaszëbsczi twórcowie zajéżdżają pòd wejrowsczé mùzeùm. Rëchùjemë: je Pioter Cëskòwsczi, Słôwk Krause ë piszący ne słowa Róman Drzéżdżón. Za sztót pòjôwiô sã Tómk Fópka. Ë tuwò zdzëwienié. Tómk je òblekłi w bluzã. Wëzdrzi colemało, jak hiphòpòwiec.
– Dze ancuch? – pitómë.
– Doch czedës mùszã òd tegò służbòwégò òbleczenkù òdpòczic – smieje sã Tómk.
Hùmòrë zarôzka sã pòprôwiają.
(wicy…)

Zéńdzenié Młodëch Ùtwórców Kaszëbsczich ZYMK
Mùzeùm Pismieniznë ë Mùzyczi Kaszëbskò-Pòmòrsczi w Wejrowie
Òglowi Zarząd Kaszëbskò-Pòmòrsczégò Zrzeszeniô
rôczi baro serdeczno
na zéńdzenié

ZYMKÙ

chtërné òdbądze sã 9 gòdnika (sobòta), gòdz. 10.00

w Mùzeùm Pismieniznë ë Mùzyczi Kaszëbskò-Pòmòrsczi w Wejrowie, sztr. Zómkòwô 2a

W programie:

Jak wiedno mdze wiele nônowszi kaszëbsczi pòezje, szpòrtu a prozë.

• specjalny gòsc : Jaromira Labùdda, chtërnô òpòwié ò swòji twórczoscë.
• prezentacjô nônowszëch dokôzów Zymkòwców
• wëbiér dokôzów do zsziwkù Zymk 6
• diskùsjô ò dzysdniowi lëteraturze

Bôczënk!

29 łżëkwiota ò gòdz. 10.00 w Mùzeùm Pismieniznë ë Mùzyczi Kaszëbskò-Pòmòrsczi w Wejrowie kòl. szasé Zómkòwi òdbãdze sã Zéńdzenié Młodëch Ùtwórców Kaszëbsczich Zymk.

Przëniesc mùszi ze sobą:
Pióro do pisaniô
Hëft do zapisywaniô
Nowé dokôzë do przëczëtaniô abò nótë do zaspiéwaniô

Rómk

XI. 25 czerwińca 2005 rokù
Zymk w Kartuzach

Në jo, zôs trafilë më do mùzeùm. Nié, nié jakò ekspònatë, jakbë so chto mëslôl, le jakò żëwi lëdze, chtërnym chce sã cos robic. Tim razã zeszlë më sã nié w Wejrowie ani w Pùckù, leno w Kaszëbsczim Mùzeùm w Kartëzach. A bëlo to w sobòtã 25 czerwińca 2005 r. ò pól 11 przed pôlniã.
-Na XI zéńdzenié mlodëch piszącëch pò kaszëbskù stawilo sã leno piãc lëdzy. Jednakò niechtërny ti, co ni mòglë przëjachac przëslalë swòjé nowé dokôzë. Jak wiedno bëlo kąsk liriczno a satiryczno. Bëla pòezjô ë proza a téż kòrbiónka ò tim, czë kaszëbizna mòże sã do czegòs w żëcym przëdac. Prosto rzec – czë mòże z ni wëżëc (brzëdkò rzeklé, ale cëż – taczé żëcé). Zarobic kąsk dëtka jidze, leno nié blós z samégò pisaniô kaszëbsczich dokôzów (jesz tak dalek më nie jesmë). (wicy…)

Serdeczno rôczimë na zéńdzenié zymkòwców, chtërné òdbãdze sã 25 czerwińca w Kaszëbsczim Mùzeùm w Kartëzach. Pòczątk spòtkaniô gòdz. 10.30.

Baro proszimë przërëchtowac swòjé nowé dokôzë. Bdzemë téż gôdalë ò wëdaniém 5. zsziwkù Zymkù.

Latos 5 strëmiannika, w wejrowsczim mùzéùm zeszlë sã razã Zymkòwcë, bë pòdzelëc sã swòjéma nowëma dokôzama a pòkòrbic ò kaszëbsczi pismieniznie. Chòc bëło to, mòżna rzec, X. jubileùszowé zéńdzenié, tej jednakò szampan sã nie lôł, le bëło wiele jinszëch doznaniów, òsoblëwie nëch zrzeszónëch z pòetiką kaszëbsczégò snôżégò słowa. Wiele lëdzy nôleżącëch do Zymkù téż nie przëjachało, a to bez ną zëmã co nas na przedzymkù òdwiedzëła ë chòróbska gripë co na ze sobą przëwlokła.

(wicy…)

W dniu 5. strëmiannika ò 10 gòdz. przed pôlniã, baro serdeczno rôczimë do wejrowsczegò mùzéùm, na X zéńdzenié piszącëch pò kaszëbskù ZYMK. Zôs bdzemë wiele czëtalë a téż kąsk sztridowalë sã ò dôwną, dzysdniową a witrzészą kaszëbską pismieniznã.

Piszącëch baro proszimë ò przeniesenié dokôzów, chtërné chcą zaprezentowac, a téż òdjimków swòjëch pësznëch gąbków ë krótczich żëcopisów. Mile widzóné bdą wersje kòmpùtrowé, co baro ùlatwi niechtërnym lëdzóm robòtã. Jidze tuwò m.jin. ò naszą jinterétową stronã www.zymk.net

Żdajemë téż na nëch co nie piszą, le chcą pòslëchac snôżi rodny mòwë, abò nama cos doradzëc!

CO? Zéńdzenié Zymkòwców – karna mlodëch piszącëch pò kaszëbskù

DZE? Mùzéùm Pismieniznë ë Mùzyczi Kaszëbskò-Pòmòrsczi w Wejrowie sza. Zómkòwô 2a
CZEDË? 5 strëmiannika (sobòta) ò 10 gòdz. przed pôlenkã (wierã jaczis kùszk a kôwka tam téż dô)

Në jo! Zymkòwcë zôs sã pòtkalë, a stało sã to 4 séwnika 2004 r. w gòscynnëch zalach wejrowsczégò mùzéùm. Tim razã na Zéńdzeniu Młodëch Ùtwórców Kaszëbsczëch bëlë: Ala Skiba, Asza Gackòwskô, Karol Rhode, Słôwk Fòrmella, Macéj Dorau, Pauel Szczëpta, Grégòr Jarosz Schramke, Słôwk Krause, gòspòdôrz pałacu Bògùsłôw Breza ë piszący ne słowa Róman Drzéżdżón.

(wicy…)

VII. 10 stëcznik 2004 r. Samòrządowi Gimnazëji nr 1 w Żukòwie

G.J. Schramke, Macéj Dorau, Tómk Fópka, Róman Drzéżdżón – zymkòwcë; Paùl Szczëpta – Òdroda ë Radio Gduńsk, Jark Éllwart – Wëdôwizna Region, Genk Prëczkòwsczi ë młodzezna z karna Cassubia z Żukòwa

(wicy…)

Zymk w Żukòwie

10 stëcznika 2004 rokù w Samòrządowi Gimnazëji nr 1 w Żukòwie òdbëło sã, zorganizowóny bez hewòtny Ùrzãd Gminë ë ju wëmienioné gimnazëjô, zéńdzenié Zymkù. Wiele ju razë w najim cządnikù bëło pisóné ò ti resznoce, przëbôczëc dejade je mùs, że Zymk to òtemkłé pòtkania młodëch ùtwórców kaszëbsczich, chtërnych to zéńdzeniów brzadã je m.jin. pôradzesąt kszëbskôjãzëkòwich dokôzów ë dwa lëteracczé zsziwczi z jich dzélã, wëdóné w 2001 ë 2002 r.
(wicy…)