ZYMK

Zéńdzenié Zymkòwców w Wejrowie 9 gòdnika 2006 r.

Czej zabrôł jem sã za pisanié négò tekstu wiodro za òknã bëło szaré a kòmùdné i nijak nie zachãcywało, abë wëlezc bùten. Równak wiele bëło òb czas latosy jeseni dniów, czej nôtëra robia nóm rozmajité szpôsë, bò, chòc to jidze kù zëmie, wiodro szlachòwało nié za jesenią a barżi prawie za zymkã. Tej sej czëjã, i na gwës je w tim wiele prôwdë, że taczé wëmiészanié cządów rokù nie je dobré, równak je taczi môl, gdze wiedno, niezanôléżno òd cządu rokù, gòscëc pòwinien zymk. Môlã tim są serca i môdżi młodëch (nié blós całã ale téż dëchã) ùtwórców kaszëbsczich przënôlégającëch do karna Zymkòwców.

(wicy…)

XII Zéńdzenié Młodëch Ùtwórców Kaszëbsczich

Kòmùdnô sobòta, deszcz padô, zëmno. Kùńc łżëkwiôta a zymkù nie je widzec. Zymkù jakno cządë rokù, bò Zymk jakno zéńdzenié młodëch ùtwórców kaszëbsczich pò dłudżi zëmòwi przerwie prawie terô mô sã òdbëc.
Wejrowò, 29 łżëkwiôta, gòdz. 10.00 kaszëbsczi twórcowie zajéżdżają pòd wejrowsczé mùzeùm. Rëchùjemë: je Pioter Cëskòwsczi, Słôwk Krause ë piszący ne słowa Róman Drzéżdżón. Za sztót pòjôwiô sã Tómk Fópka. Ë tuwò zdzëwienié. Tómk je òblekłi w bluzã. Wëzdrzi colemało, jak hiphòpòwiec.
– Dze ancuch? – pitómë.
– Doch czedës mùszã òd tegò służbòwégò òbleczenkù òdpòczic – smieje sã Tómk.
Hùmòrë zarôzka sã pòprôwiają.
(wicy…)

Zéńdzenié Młodëch Ùtwórców Kaszëbsczich ZYMK
Mùzeùm Pismieniznë ë Mùzyczi Kaszëbskò-Pòmòrsczi w Wejrowie
Òglowi Zarząd Kaszëbskò-Pòmòrsczégò Zrzeszeniô
rôczi baro serdeczno
na zéńdzenié

ZYMKÙ

chtërné òdbądze sã 9 gòdnika (sobòta), gòdz. 10.00

w Mùzeùm Pismieniznë ë Mùzyczi Kaszëbskò-Pòmòrsczi w Wejrowie, sztr. Zómkòwô 2a

W programie:

Jak wiedno mdze wiele nônowszi kaszëbsczi pòezje, szpòrtu a prozë.

• specjalny gòsc : Jaromira Labùdda, chtërnô òpòwié ò swòji twórczoscë.
• prezentacjô nônowszëch dokôzów Zymkòwców
• wëbiér dokôzów do zsziwkù Zymk 6
• diskùsjô ò dzysdniowi lëteraturze

W Mùzeùm Pismieniznë ë Mùzyczi Kaszëbskò-Pòmòrsczi w Wejrowie, 13 maja 2006 r., rozdówné òstałë nôdgrodë w XI kònkùrsu prozatorsczim miona Jana Drzéżdżóna.
Kòmisjô sãdzowskô w skłôdze: dr Zbigniew Żakiewicz, Barbara Pisarek, prof. Tadeusz Linkner, red. Stanisłôw Janke, w kategòrie jãzëka kaszëbsczégò przëznała nôdgrodë:

• I môl – Jarosłôw Kroplewsczi za òpòwiôdanié “Jak Walerémù sã ùdało nikògò”
• II môl – Róman Drzéżdżón za òpòwiôdanié “Weszczigóra”
• III môl – br. Zbigórz Joskòwsczi za òpòwiôdanié “Na cëzy krziwdze nicht sa nie wzbògacy”
• wëróżnienié – Alicja Szczëpta za òpòwiôdanié “Dwùch taczich, co chcało na sztrąd”

Na kònkùrs wpłinãło 14 prôc pò kaszëbskù, je to kąsk mni jak łoni.
Miło je, że dobëło jaż dwùch Zymkòwców br. Zbigórz Joskòwsczi ë Róman Drzéżdżón. Łoni bëło jich téż dwùch: Grégòr Schramke (I môl) ë Róman Drzéżdżón (II môl).
belok

Bôczënk!

29 łżëkwiota ò gòdz. 10.00 w Mùzeùm Pismieniznë ë Mùzyczi Kaszëbskò-Pòmòrsczi w Wejrowie kòl. szasé Zómkòwi òdbãdze sã Zéńdzenié Młodëch Ùtwórców Kaszëbsczich Zymk.

Przëniesc mùszi ze sobą:
Pióro do pisaniô
Hëft do zapisywaniô
Nowé dokôzë do przëczëtaniô abò nótë do zaspiéwaniô

Rómk

14 maja 2005 rokù w Mùzeum Pismienniznë ë Mùzyczi Kaszëbskô-Pòmòrsczi we Wejrowie òstôł rozstrzëgniãti X Òglowòpòlsczi Kònkùrs Prozatorsczi miona Jana Drzéżdżóna.

W kategòrëji dokazów pisónëch pò kaszëbskù dwa pierszé place zajãlë Zymkòwcë – Grégòr J. Schramke (I plac; za dokôz “W pòdzemny sôdze”) ë Róman Drzéżdżón (II plac, za dokôz “Przëjãcé”).

Òbadwa ne dokazë òstóną òpùlikòwóné w numrze 4/2005 (zélnik) dwamiesãcznika “Pomerania”, pòzni nalezą sã téż w pòkònkùrsowi antologiji kaszëbsczi prozë, jaczi pòsobné dzéle są wëdôwóné co pôrã lat (slédnô – “Kaszëbsczé dzeje ë dzysészé żëcé” – ùkôza sã w 2004, a nalazłë sã w ni dokazë nôdgrodzoné na nym kònkùrsu w latach 2000-2003).

Latos 5 strëmiannika, w wejrowsczim mùzéùm zeszlë sã razã Zymkòwcë, bë pòdzelëc sã swòjéma nowëma dokôzama a pòkòrbic ò kaszëbsczi pismieniznie. Chòc bëło to, mòżna rzec, X. jubileùszowé zéńdzenié, tej jednakò szampan sã nie lôł, le bëło wiele jinszëch doznaniów, òsoblëwie nëch zrzeszónëch z pòetiką kaszëbsczégò snôżégò słowa. Wiele lëdzy nôleżącëch do Zymkù téż nie przëjachało, a to bez ną zëmã co nas na przedzymkù òdwiedzëła ë chòróbska gripë co na ze sobą przëwlokła.

(wicy…)

W dniu 5. strëmiannika ò 10 gòdz. przed pôlniã, baro serdeczno rôczimë do wejrowsczegò mùzéùm, na X zéńdzenié piszącëch pò kaszëbskù ZYMK. Zôs bdzemë wiele czëtalë a téż kąsk sztridowalë sã ò dôwną, dzysdniową a witrzészą kaszëbską pismieniznã.

Piszącëch baro proszimë ò przeniesenié dokôzów, chtërné chcą zaprezentowac, a téż òdjimków swòjëch pësznëch gąbków ë krótczich żëcopisów. Mile widzóné bdą wersje kòmpùtrowé, co baro ùlatwi niechtërnym lëdzóm robòtã. Jidze tuwò m.jin. ò naszą jinterétową stronã www.zymk.net

Żdajemë téż na nëch co nie piszą, le chcą pòslëchac snôżi rodny mòwë, abò nama cos doradzëc!

CO? Zéńdzenié Zymkòwców – karna mlodëch piszącëch pò kaszëbskù

DZE? Mùzéùm Pismieniznë ë Mùzyczi Kaszëbskò-Pòmòrsczi w Wejrowie sza. Zómkòwô 2a
CZEDË? 5 strëmiannika (sobòta) ò 10 gòdz. przed pôlenkã (wierã jaczis kùszk a kôwka tam téż dô)

Në jo! Zymkòwcë zôs sã pòtkalë, a stało sã to 4 séwnika 2004 r. w gòscynnëch zalach wejrowsczégò mùzéùm. Tim razã na Zéńdzeniu Młodëch Ùtwórców Kaszëbsczëch bëlë: Ala Skiba, Asza Gackòwskô, Karol Rhode, Słôwk Fòrmella, Macéj Dorau, Pauel Szczëpta, Grégòr Jarosz Schramke, Słôwk Krause, gòspòdôrz pałacu Bògùsłôw Breza ë piszący ne słowa Róman Drzéżdżón.

(wicy…)