ZYMK » Rëmiô http://zymk.net Zéńdzenié Młodëch Ùtwórców Kaszëbsczich Tue, 22 Nov 2011 11:56:55 +0000 en hourly 1 http://wordpress.org/?v=3.3.1 Zëmòwi ZYMK w Rëmi http://zymk.net/zendzenia/zemowi-zymk-w-remi http://zymk.net/zendzenia/zemowi-zymk-w-remi#comments Mon, 25 Feb 2008 17:38:08 +0000 Rómk http://zymk.net/kleka/zemowi-zymk-w-remi Zëmòwò zëmkò, jednakò zymkòwò – tak mòże w skrócënkù òpisac zéńdzenié kaszëbsczich pisôrzów, jaczé òdbëło sã 23 gromicznika w Kaszëbsczim Dodomie w Rëmi. W nym môlu serdeczno dzãkùjemë za ùżiczenié zalë partowi KPZ w Rëmi.
Jak wiedno, co je ju zwëkã, na zéńdzenim nie bëło wiele lëdzy – leno szesc sztëk. Dlô brëkùnkù kronikôrzów nót je wëmienic jejich tuwò za régą:
Lucyna Sorn, Bògùmiła Cyrockô, Ewelina Kaatz, Słôwk Kraùse, Tómk Fópka, Róman Drzéżdżón.
Chòc mało lëdzy, ale gôdczi bëło wiele. Pòtkanié warało wicy jak dwie gòdzënë. Òbgôdónëch témów bëło bòkadosc, m.jin. Lucyna, Tómk a Słôwk zabédowalë nama swòjé nowé pòeticczé ë spiéwné dokôzë. Tómk jakno kòmpòzytora zagrôł nam ë zaspiéwôł czile nowëch piesniów w tim kaszëbską wersëjã Jożina z bażin. Tuńcowac do te próbòwôł Rómk. Òdjimczi mòżeta òbezdrzec na starnie Tomeka: www.fopke.pl Kriticzno òbgôdalë më téż eroticzi Tómka, jaczé slédnyma czasama ùkôzałë sã w ksążeczce pt. Szlachama wzdichnieniów. Aùtór òpòwiôdôł nama ò tim, jak ne nowòmódné dokôzë òdbiéróné są bez czëtińców.
Lucyna jakno szólnô próbùje pisac wiérztczi dlô dzôtków. Jeden z nëch, ò sw. Mikòłôju, nama przeczëta. Òkróm negò zaprezentowa wiérztë, jak to rzekł Tómk, z wëższi pòlëcë.
Słôwk òpòwiôdôł jak jidze jemù robòta kòl pisaniô pòwiescë. Za wiele nie chcôł zdradzëc, ale z tegò, co rzekł, zmërkalë më, że mdze to baro czekawô òpòwiesc. Òkróm negò przeczëtôł téż swòje nowé wiérztë.
Nowi rok, tej téż nowé ùdbë. Jak wiedno mdze wëdôwóny zsziwk Zymkù. Ë tuwò prosba do wszëtczich piszącëch:

TEKSTË PROSZIMË SÉLAC DO KÙŃCA CZERWIŃCA NEGÒ ROKÙ!!!

Mòżeta napisac ò czim le chceta. Dokôzë mògą bëc wiérztowóné abò prozatorsczé. Mògą to bëc dokôzë na binã, eroticzi, òpòwiescë, fantastika, dlô dzecy, młodzëznë, straszich, nôstôrszich, białk czë chłopów – co le wama do głowë przińdze.
Zymk 7 (jak nen czas flot nëkô!) ùkôże sã pòd kùńc negò rokù.
Òkróm negò chcemë wëdawac òsóbné zbiérczi Zymkòwców. Chòc dwa w rokù. Temù proszã sélac swòje ùdbë tzn. ju w całoscë zebróné gwôsné tekstë, jaczé chceta wëdac (jednô ju do redakcëji doszła, zó co dzãkùjã (rd)). Mòże jesz latos niżódnégò nie wëdómë, ale ju na przińdny rok na 99,99% jo.

Róman Drzéżdżón

]]> http://zymk.net/zendzenia/zemowi-zymk-w-remi/feed 0 Zëmòwé zéńdzenié ZYMKù http://zymk.net/zendzenia/zemowe-zendzenie-zymku http://zymk.net/zendzenia/zemowe-zendzenie-zymku#comments Thu, 07 Feb 2008 21:38:20 +0000 Rómk http://zymk.net/kleka/zemowe-zendzenie-zymku Rôczimë serdeczno
na
Zëmòwé Zéńdzenié Zymkù,
jaczé mdze
23 gromicznika 2008 r.,
ò gòdz. 12.00 w Kaszëbsczim Dodomie w Rëmi

]]> http://zymk.net/zendzenia/zemowe-zendzenie-zymku/feed 1 2003 http://zymk.net/zendzenia/2003 http://zymk.net/zendzenia/2003#comments Sun, 01 Jun 2003 16:04:41 +0000 Mark http://wp.zymk.net/zendzenia/2003 VI. 31 maj 2003 r.
Dodom Kaszëbsczi w Rëmi

Michôł Piéper, Tómk Fópka, Róman Drzéżdżón – zymkòwcë;
Paùl Szczëpta – Òdroda,
Jiwòna Joć – Pòmerania,
Riszard Hinc – K-PZ Rëmiô, Kazmiérz Klawiter – K-PZ Rëmiô
ë Genk Prëczkòwsczi – Rodnô Zemiô

]]> http://zymk.net/zendzenia/2003/feed 0