Czasã mie sã zdôwô, że jem
maleńczim kaminiem, wërzuconym
wëstrzód wiôldżégò pòla,
taczim môłim, samòtnym,
òstawionym sóm dlô se.
I nawetka ni móm nikògò
z kim mógłbëm pògadac,
czasã sã ceszëc, a czasã plakac.
Z kim mógłbëm wanożëc
rozmajitima drogama.
Ùrodzył sã 16 lëpińca 1981 r. w Kòscérznie. W 2000 r. skùńczëł Kaszëbsczé Òglowòsztôłcącé Liceùm w Brusach, a w 2003 r. filozofiã na Pòmòrsczi Pedagògòwi Akademie w Słëpskù. Béł nôleżnikã Kaszëbsczégò Karna Sztudérów „Tatczëzna” – w 2004/05 jegò przédnikã.
Swòje pòéticczé dokazë drëkòwôł m.jin. w Kaszëbsczi Òdrodze, Pòmeranii ë Nordze.
W 2003 r. òstôł wëprzédniony nôdgrodą m. Rómana Wróblewsczégò dlô młodégò kaszëbsczégò pòétë.
Cëż nowégò w Czëtnicë?