ZYMK » Kònkùrs miona Jana Drzéżdżóna

Zymkòwcë dobiwają

Rómk — Wed, 18 Jun 2008 18:20:10 +0000

W niedzelã, 15 czerwińca, w wejrowsczim mùzeùm bëła ùroczëzna wrãczeniô nôdgrodów dobiwcóm pisarsczégò kònkùrsu miona Jana Drzéżdżóna.
Wëstrzód nôlepszich pisôrzów latoségò kònkùrsu w kaszëbsczi kategòrie bëlë Zymkòwcë: Dark Majkòwsczi (III môl za òpòwiôdanié Bùdzta spiącëch. Kaszëbsczé zwiercadło) ë Sławòmir Kraùse (wëprzédnienié za òpòwiôdanié Bielisë).
Pierszi môl dobëł Jerzi Hoppe z Rëmi (Ò pòdzymku 45 rokù przëszlë Ruscë…), drëdżi Kristina Lewna z Chmieleńca k. Bólszewa (Stach i Roch).
Òkróm tegò bëła téż promòcjô ksążczi pt. Rost na kamiznie, w chtërny nalazłë sã kaszëbsczé dokazë, m.jin. Zymkòwców: Grégòra J. Schramke, br. Zbigórza Joskòwsczégò, Rómana Drzéżdżóna, nôdgrodzoné w ùszłich kònkùrsach. Ksążkã mòże dostac w Mùzeùm Kaszëbskò-Pòmòrsczi Pismieniznë i Mùzyczi w Wejrowie.

Rôczba do Wejrowa

Rómk — Tue, 03 Jun 2008 14:30:14 +0000

Mùzeùm Kaszëbskò-Pòmòrsczi Pismieniznë ë Mùzyczi w Wejrowie
rôczi na zakùńczenié
prozatorsczégò kònkùrsu m. Jana Drzéżdżóna,
jaczé mdze 15 czerwińca (niedzela)
ò gòdz. 4 pp.
w sedzbie mùzeùm kòl szasé Zómkòwi 2a.

wicy na starnie MKPPëM

Prozatorsczi Kònkùrs miona Jana Drzéżdżóna

Rómk — Sun, 02 Mar 2008 18:29:30 +0000

Mùzeùm Pismieniznë ë Kaszëbskò-Pòmòrsczi Mùzyczi w Wejrowie, Kaszëbskò-Pòmòrsczé Zrzeszenié, Pòwiatowé Starostwò w Wejrowie ògłôszô XIII Prozatorsczi Kònkùrs m. Jana Drzéżdżóna.

Na kònkùrs mòże przësłac tekstë w dwùch kategòriach:
1. òpòwiôdanié abò esej pò kaszëbsk na dowòlną témã
2. òpòwiôdanié abò esej pò pòlskù na kaszëbskò-pòmòrską témã.

Warënkã wzãcô ùdzélu je przesłanié do 25.4.2008 r. donąd nie pùblikòwónëch dokazów w jedny z dwùch kategòriów na adresã:
Muzeum Piśmiennictwa i Muzyki Kaszubsko-Pomorskiej w Wejherowie, ul. Zamkowa 2a 84-200 Wejherowo.

Dokazë w trzech egzemplôrzach maszinopisë mùszą bëc òznaczoné céchã, ùmieszczonym téż w zakléjony kùwerce, w jaczi aùtór pòdôwô swòje miono, nôzwëskò ë adresa.

Òrganizatorowie w nëch dwùch kategòriach mają przërëchtowóné pòstãpné nôdgrodë:

I môl 1.500 zł
II môl 1.000 zł
III môl 500 zł

Òrganizatorowie dôwają do wiédzë, że mògą zwiãkszëc wësokòsc dëtkòwëch nôdgrodów, jinaczi je pòdzelëc ë przeznac wëprzédnieniô. Mają téż prawò do pierwòdrëkù przësłónëch dokazów bez apartnégò wënagrodzeniô ë przekazaniô jejich do zbiorów wejrowsczégò mùzeùm.

Zakùńczenié kònkùrsu ë wrãczenié nôdgrodów mdze w drëdżi pòłowie maja 2008 r. w Mùzeùm Pismieniznë ë Kaszëbskò-Pòmòrsczi Mùzyczi w Wejrowie.

Wiadło ò dobëwcach kònkùrsu mdze dóné na jinternetowëch starnach: www.muzeum.wejherowo.pl i www.kaszubi.pl

Wicy jinfòrmacëjów mòże dostac pòd numrama telefónów:
058/ 672-29-56, 058/ 736 18 21
é-majl: sekretariat@muzeum.wejherowo.pl
é-majl: biuro@kaszubi.pl

Kònkùrs zrëchtowóny je dzãka dotacje Ministra Bënowëch Sprawów ë Administracje, Pòwiatowégò Starostwa w Wejrowie ë jinszich pòmòrsczich samòrządów.

Zymkòwcë dobiwają nôdgrodë w kònkùrse miona Jana Drzéżdżóna

Mark — Mon, 15 May 2006 18:25:13 +0000

W Mùzeùm Pismieniznë ë Mùzyczi Kaszëbskò-Pòmòrsczi w Wejrowie, 13 maja 2006 r., rozdówné òstałë nôdgrodë w XI kònkùrsu prozatorsczim miona Jana Drzéżdżóna.
Kòmisjô sãdzowskô w skłôdze: dr Zbigniew Żakiewicz, Barbara Pisarek, prof. Tadeusz Linkner, red. Stanisłôw Janke, w kategòrie jãzëka kaszëbsczégò przëznała nôdgrodë:

I môl – Jarosłôw Kroplewsczi za òpòwiôdanié “Jak Walerémù sã ùdało nikògò”
II môl – Róman Drzéżdżón za òpòwiôdanié “Weszczigóra”
III môl – br. Zbigórz Joskòwsczi za òpòwiôdanié “Na cëzy krziwdze nicht sa nie wzbògacy”
wëróżnienié – Alicja Szczëpta za òpòwiôdanié “Dwùch taczich, co chcało na sztrąd”

Na kònkùrs wpłinãło 14 prôc pò kaszëbskù, je to kąsk mni jak łoni.
Miło je, że dobëło jaż dwùch Zymkòwców br. Zbigórz Joskòwsczi ë Róman Drzéżdżón. Łoni bëło jich téż dwùch: Grégòr Schramke (I môl) ë Róman Drzéżdżón (II môl).
belok

X. Òglowòpòlsczi Kònkùrs Prozatorsczi miona Jana Drzéżdżóna

Mark — Sun, 15 May 2005 18:46:05 +0000

14 maja 2005 rokù w Mùzeum Pismienniznë ë Mùzyczi Kaszëbskô-Pòmòrsczi we Wejrowie òstôł rozstrzëgniãti X Òglowòpòlsczi Kònkùrs Prozatorsczi miona Jana Drzéżdżóna.

W kategòrëji dokazów pisónëch pò kaszëbskù dwa pierszé place zajãlë Zymkòwcë – Grégòr J. Schramke (I plac; za dokôz “W pòdzemny sôdze”) ë Róman Drzéżdżón (II plac, za dokôz “Przëjãcé”).

Òbadwa ne dokazë òstóną òpùlikòwóné w numrze 4/2005 (zélnik) dwamiesãcznika “Pomerania”, pòzni nalezą sã téż w pòkònkùrsowi antologiji kaszëbsczi prozë, jaczi pòsobné dzéle są wëdôwóné co pôrã lat (slédnô – “Kaszëbsczé dzeje ë dzysészé żëcé” – ùkôza sã w 2004, a nalazłë sã w ni dokazë nôdgrodzoné na nym kònkùrsu w latach 2000-2003).