ZYMK » Bëtowò

Kònkùrs S.F.

Rómk — Wed, 15 Oct 2008 17:46:21 +0000

Redakcjô “Bëtowsczégò Kùriera” ògłôszô

II KÒNKÙRS NA ÒPÒWIÔDANIÉ SCIENCE FICTION PÒ KASZËBSKÙ

Òpòwiadaniô nót je sélac do 30 stëcznika 2009 r. na adresa redakcje z dopisënkã: “kònkùrs s.f.”
Dokazë mùszą bëc niepòdpisóné, nacéchòwóné gòdłã, ò òbjãtoscë co nômni 2 znormalizowónëch stron A4, le nie wicy jak 10 stron, pisónëch czconką Times New Roman, rozmiôr 14, w 3 egzemplôrzach. Wiadło ò aùtorze (miono, nôzwëskò, adresa, telefón) nót je dac w zamkłi kùwérce.
Òrganizator dôwô so prawò drëkù nôlepszich dokazów w òbéńdowëch gazétach, jaczé ùkazëją sã na Kaszëbach.
Za 3 pierszé place mdą dëtkòwò nôdgrodzoné.

Adresa redakcje:
“Bëtowsczi Kùrier”
77-100 Bëtowò
szasé Zelonô 5

Zladëjë ùlotkã w pòlsczim jãzëkù

Téatralnô Jasséń 2008

Rómk — Sat, 11 Oct 2008 18:28:35 +0000

Òrganizatorowie latosy Téatralny Jasseni serdeczno rôczą Zymkòwców na lëteracczé warkòwie, jaczé mdą 7 i 8 lëstopadnika w Bëtowie i Jasseni.
7 lëstopadnika (piątk) ò gòdz. 17.00 w bëtowsczim zómkù mdze kôrbiónka ò kaszëbsczi lëteraturze, to je ò felënkù kriticzi, ò pisarsczich jideòlogiach, nowëch pisarsczich zortach ëtd.
8 lëstopadnika (sobòta) ò gòdz. 10.00 w jassonsczi szkòle abò w dodomie kùlturë, mdze zéńdzenié z Danielã Kalinowsczim, jaczi mdze gôdôł ò téatrze, a pòtemù z Danielã Òdiją pisôrzã ze Sztolpù, chtëren mdze prawił ò pisarsczim fachù.
Je mòżlëwòsc spaniô w Jassoni.

Wlézë n a ti starnë, bë dowiédzec sã kąsk wicy

Fantasticzno w Bëtowie

Rómk — Wed, 30 Jul 2008 16:41:56 +0000

Wicy jak 4 gòdzënë warałë lëteracczé warkòwnie zòrganizowóné bez Piotra Dzekanowsczégò, przédnégò redachtora Bëtowsczégò Kùriera.
W sedzbie Kaszëbskò-Pòmòrsczégò Zrzeszeniô, 26 lëpińca 2008 r., na bëtowsczim zómkù zeszlë sã lëteracë jaczich czekawi pismienizna s-f ë ùtwórstwò negò ôrtu w kaszëbsczim jãzëkù. Prowadnikã pò swiece s-f béł prof. Edmùńd Wnuk-Lipińsczi, socjologa ë aùtór trzëksãdżi pt. Apostezjon, chtëren gôdôł ò tim, jak napisac bëlny dokôz s-f.
Pioter Dzekanowsczi dôł zeszłim w darënkù ksążeczkã pt. Nalazłé w Bëtowie – je to pierszô w historëji kaszëbsczi pismieniznë ksążka s-f napisónô w rodny mòwie.

Kònkùrs na fantasitczné òpòwiadanié!

Mark — Sun, 14 Oct 2007 20:36:14 +0000

Redakcjô Tëgòdnika „Kurier Bytowski” ògłôszô kònkùrs na òpòwiôdanié pò kaszëbskù na témã fantasticzną, fantasticzno-nôùkòwą ë pòpùlarno-nôùkòwą.
Niepòdpisóné prôce, òznaczoné céchã, mające co nômni 2 znormalizowóné stronë A4, a nié wicy jak 10 taczich stron, pisóné kòmpùtrową czczonką Times New Roman, rozmiôr 14, nót je wësłac w 3 ekzemplôrzach do 15 stëcznika 2008 r. na adresã òrganizatora.
Dóné ò aùtorze mùszi doparłączëc w zamkłi kòpérce.
Ògłoszenié wëników mdze nie pózni, jak do kùńca gromicznika 2008 r. òb czas zéńdzeniô aùtorów, sãdzów ë òrganizatora kònkùrsu.
Òrganizatór kònkùrsu dôwô so prawò pùblikacjë nôlepszëch tekstów na łamach òbéńdowëch gazétów wëchôdającëch na Kaszëbach.
Przëznóné mdą nôdgrodë:
I môl – 400 zł
II môl – 250 zł
III môl – 150 zł
Adres òrganizatora: “Kurier Bytowski” 77-100 Bytów, ul. Zielona 5.