ZYMK

jo jo miechù co je czëc?
przelecało miechów szesc
wbijómë w chlew
tam cepło je
farwë zmieniô całi swiat
kòżdi miech to nasz je brat

z chlewù òbéńda zelono wëzdrzi
kòżdi z nas na òczë tuwò przezdrzi

mier’zy mie
cynizna antichlewnô
wszëtcë tej
òceniwają mierno
naj
paczet miechów z òbéńdë
hipòteticzny, le tak prôwdzëwi
òbéńdë

paczet miechów przińdze
i niech nicht tuwò sã nie dzëwi
bò z chlewù jesmë zrodzony
do chlewizacje stwòrzony
chlewną cywilizacjã më niesemë wama
zgùbiony rôj- módlce sã za nama

***
menelków
karno na łôwce sadło
zaczãlë
dispùtã swòjã brzadną
brzadowim winã lekarzelë sã
kòżdi z nich bëł we farwnëch dresach

i swiat sã farwnym zrobił tej nôglë
mieszë z chlewa to widzoné mielë
sã ùceszëlë
le pic nie chcelë
belno sã czëlë
jak ùczëlë

jak chlew je wëczosóny

Jak są w paczece to chlew je nôbelniészi
chòc nie zgòdzy sã na to człowiek jinszi

òni wiedzą
jak sã celi jedna ùdba
nowi ritm wëchôdô
chlew je spò kó
chlew je spò kó
niech z tegò dali jidze takô ùczba
kòżden w swòji bùchce ale w jednym le chlewie
w òbéńdze je spòkó, miechòwi równy miech

Adóm Hébel

Adóm Hébel (pseùdonim Szadi) – ùrodzył sã 1 rujana 1992 rokù w Wejrowie, mieszkô w Lëzënie w wejrowsczim pòwiôce. Chòdzył do Gimnazjum m. Pisôrzów Kaszëbskò-Pòmòrsczich w Lëzënie. W 2008 rokù dobëł II môl w kònkùrsu „Rodnô mòwa”. Jinteresëje sã historią, òsoblëwò slawistiką ë słowióńską mitologią. Pisanim zajimô sã òd zôczatkù 2008 rokù. Swój swiatopòzdrzatk sztôłtëje w òpiarcym ò jideòlogiã neòslawisticzną.

Internetowé starnë Adama: szadi.kaszubia.com, slowionie.kaszubia.com