ZYMK

Zëmòwò zëmkò, jednakò zymkòwò – tak mòże w skrócënkù òpisac zéńdzenié kaszëbsczich pisôrzów, jaczé òdbëło sã 23 gromicznika w Kaszëbsczim Dodomie w Rëmi. W nym môlu serdeczno dzãkùjemë za ùżiczenié zalë partowi KPZ w Rëmi. (wicy…)

Rôczimë serdeczno
na
Zëmòwé Zéńdzenié Zymkù,
jaczé mdze
23 gromicznika 2008 r.,
ò gòdz. 12.00 w Kaszëbsczim Dodomie w Rëmi

Kaszëbsczi Jinstitut wëdôł ksążeczkã w sztërzech jãzëkòwëch wersjach – pò kaszëbskù, pòlskù, niemieckù ë anielskù, aùtórstwa Cezarégò Òbracht-Prondzyńsczégò pt.: Kaszëbi dzys. Kùltura-jãzëk-tożsamòsc. W dzélu pt. Lëteratura kaszëbskô na 25 str. mòże przeczëtac czile słów ò Zymkù: (wicy…)

Sostrné starnë (czetnica.org) dałë nama bôczenié na to, że 29. stëcznika tegò rokù ùkôzôł sã w dzélu Kùltura cządnika “Express kaszubski” artikel Anë Frankòwsczi ò ZYMKù z titlã “Zymk znaczy wiosna“.

Zdrzucënk starnów cządnika z artiklã ò ZYMKù

Bôczënczi do tekstu:

• Zdrój ë ùsôdzczi prawa przënôleżą do: “Express kaszubski”
• Cëtëjema za starną: expresskaszubski.pl
• Tekst ùsôdza: Ana Frankòwskô
• Òpùblikòwóné: 2008-01-29

(wicy…)

Pòd ną adresą mòże nalezc kòmpùtrową wersjã Biuletinu Radzëznë Kaszëbsczégò Jãzëka za 2007 r.:
http://www.kaszubi.pl/files/1096RKJ_biuletin_csb.pdf

Rôczã do czëtaniô, òsoblëwie dzélu w jaczim są Rozsądzenia Radzëznë tikającé sã pisënkù.

Tómk Fópka ë Wëdôwizna Region z Gdinie
baro serdeczno rôczą na promòcje zbiérków:

SMSë do Pana Bòga

Kaszëbsczi Diptik
(w jaczim nalézesz eroticzi: „Szlachama kùsków” ë „Szlachama wzdichnieniów”)

Szpòrtë swójsczé ë kùpczé òd Tómka Fópczi

Promòcëjné zéńdzeniô mdą:
1.2.2008 r. (piątk) gòdz. 18.00 – wieskô zala w Garczu
5.2.2008 r. (wtórk) gòdz. 17.00 – Gòspòda „Jaś Kowalski” w Bëtowie
13.2.2008 r. (strzoda) gòdz. 17.30 – Mieskô Biblioteka w Kòscérznie
14.2.2008 r. (czwiôrtk) gòdz. 18.00 – Gminnô Biblioteka w Lëzënie
15.2.2008 r. (piątk) gòdz. 18.00 w Lãbòrgù
24.2.2008 r. (niedzela) – zala Òstrzódka Kùlturë w Kònarzënach
27.2.2008 r. (strzoda) – kawnica “Bursztynia” w Pùckù
5.3.2008 r. (strzoda) gòdz. 17.00 – Pòwiatowô Biblioteka w Kartuzach
6.3.2008 r. (czwiôrtk) gòdz. 17.00 – Biblioteka w Przedkòwie
11.3.2008 r. (wtórk) gòdz. 18.00 – Miesczi Dodom Kùlturë w Rëmi
12.3.2008 r. (strzoda) gòdz. 17.00 – Biblioteka w Stajszewie (Gimnazjum)
25.3.2008 r. (wtórk) gòdz. 18.00 – remiza w Chwaszczënie
26.3.2008 r. (strzoda) gòdz. 18.00 – Pòwiatowô Biblioteka w Wejrowie
31.3.2008 r. (pòniedzôłk) – Brusë
2.4.2008 r. (strzoda) gòdz. 18.00 – Òstrzódk Kaszëbskò-Pòmòrsczi Kùlturë w Gdinie
3.4.2008 r. (czwiôrtk) gòdz. 17.00 – Gminny Òstrzódk Kùlturë w Serakòjcach

Kòmplet ksążków kòsztô leno 20 zł!!!
Wicy na stronie: www.fopke.pl

Panorama Powiatu Wejherowskiego – Kurier Wejherowski (nr 5/217), 19 grudnia 2007

W naszi zrzeszony kaszëbsczi spòlëznie nicht ni mô bëc sóm, òsoblëwie w lëchich sztótach. Dlôte part Kaszëbskò-Pòmòrsczégò Zrzeszeniô w Kòlbùdach dôł zôczątk zbiéraniô dëtków na leczenié Mareka Wałdocha – zakłôdcë tegò partu ë rëchlészégò przédnika, człowieka, chtëren całé serce dôł kaszëbiznie.

Mark Wałdoch ju òd lat biôtkùje sã z cãżką chòroscą wątrobë. Jedinym retënkã dlô niegò je przeszczép tegò òrganu. Jednakò òperacjô ë rekònwalescencjô kòsztô wiele dëtków. Wiémë, że nie felëjë lëdzy, jaczi gò znają, ë gò wësok rechùją, ë chcelë bë gò wspòmóc.

Z tą mëszlą ùsôdzoné òstało kònto, z jaczégò dëtczi bądą czerowóné na nen wësoczi cél.Wszëtczim dobrzińcom baro dzãkùjemë za òkôzanié serca.

Bankòwé pòdôwczi:

Bank Spółdzielczy w Pruszczu Gd. o/Kolbudy
Kònto nr 93 8335 0003 0402 0406 2000 0002
z dopisënkã: “Na leczenie Marka”

(wicy…)

Pomerania, Nr 12, 2007 r.

Latosé dzejanié Zymkù
Latos Zymkòwcë spòtikalë sã leno dwa razë, ë to wiedno w môlińczëch karnach. Nie znaczi to, że „młodi” dalë so pòkù z pisanim. Prawie je òpak! Òb nen rok pòwstało wiele nowëch dokôzów, wiérztów, fraszków, piesniów a pòwiôstków, jaczé drëkòwóné bëłë midzë jinszima w lëteracczim pismionie „Stegna”. Czëc je téż, że jeden z Zymkòwców pisze pòwiesc. Pamiãtac téż mùszi, że Zymk je niefòrmalną stowôrą, w jaczi nicht do niczégò nie zmùszô… në mòże blós do tegò, bë ji nôleżnicë pisalë, ë to pisalë jak nôlepi rozmieją.

Pierszi rôz zeszlë më sã w maju ze słëchińcama kùrsu kaszëbsczégò jãzëka dlô robiącëch w Wejrowie. Tã sedzącë w szkòlnëch łôwkach prezentowalë më swòje dokôzë ë gôdalë ò zymkòwi rësznocë. Jak wiedno òbczas taczich zéńdzeniów bëło liriczno a wiesoło.

Drëdżé zéńdzenié òdbëło sã 20 rujana w Dodomie Kaszëbsczim w Rëmi. Rozprôwialë më ò wszelejaczich sprawach tikającëch sã młodëch piszącëch pò kaszëbskù, na przëmiôr ò séwnikòwim lëteraczim seminarium w Starbieninie, felënkù kriticzi (na téma baro czãsto je bez nas òbgadiwónô), môłi lëczbie kaszëbsczich lëteracczich kònkùrsów, jaczé bë zachãcywalë młodzëznã do pisaniô. Temù téż ùdbalë më w przińdnym rokù ògłoszëc pòeticczi kònkùrs.

(wicy…)

Kòl kùńca 2007 rokù wëdóny òstôł 6 ju zsziwk Zymkù. Wëdôwcama są: Wëdôwiznã Region, Mùzeùm Pismieniznë ë Mùzyczi Kaszëbskò-Pòmòrsczi i Kaszëbskò-Pòmòrsczé Zrzeszenié. Wëdanié zsziwkù bëło wspiarté przez Minystra Bënowëch Sprawów i Administracji.

Zsziwk mòże kùpic na starnach Wëdowiznë Region.

Wicy wëdowiédzë w dzélu Zsziwczi