Wëdôwizna Region z Gdinie ògłoszëła lëteracczi kònkùrs na szpòrtowné òpòwiôdanié tikającé sã czarowniców! Tej, chto le czëje w se czarowną mòc, niech chwacy za miotł… pióro, a napisze jaczi czarowny dokôz.
Wicy wiadłów nalézeta na starnie Wëdôwiznë Region.
Rôczimë serdecznô wszëtczich, chtërny piszą pò kaszëbskù, do przësełaniô do naji tekstów do pòstãpnégò, ju dzewiątégò zsziwkù ZYMK-ù. Dokôzë mòżna słac do kùńca gromicznika na adres: alaskiba@interia.pl abò belok1@o2.pl .
Òsoblëwie rôczimë tëch, chtërny dopiérze stôwiają pierwszi kroczi na leteracczi niwiznie.
ZYMK je to zbiérkã rozamjitëch dokôzów lëteracczich. Autorowie sparłączeni z ZYMK-ã piszą tak samò wierztë, prozã ë dokôzë na binã. Ni mô niżódnëch reglów zamkłoscë, równak nôbarżi
ùwôżóny są nowòmódny tekstë tikając sã témów abò formów jesz nie widzónëch w kaszëbsczi lëteraturze.
Ala òd Skibów
Part Kaszëbskò-Pòmòrsczégò Zrzeszeniô z Gdinie ë Caffe Anioł
rôczą 6 lëstopadnika (sobòta) ò gòdz. 5 pp. na
Zéńdzenié przërëchtowelë nôleżnicë Zymkù, jaczi mdą przedstôwialë kaszëbską pòezjã, przëbôczą stôré wierzeniô a téż zaprezentëją pòstacëje zmarłëch znónëch Kaszëbów
Kaszëbsczé Lëteracczé Zadëszczi mdą
w Caffe Anioł, szé Kilińczégò w Gdinie.
Wstãp wòlny.
Wszëtczich zainteresowónëch rôczã do pòmòcë przë rechtowanim kaszëbsczich zaduszków w OKKP w Gdinie. Na prosbã Andrisa Buslera mómë przërëchtowac czile wierztów w ny temie ë też przedstawic profile autorów. I ùwôga! Ti autorze to niekònieczno më;)
Żdajã na ùdbë jak bë to mògło wëzdrzec. Jeżle chtos bë chcôł co recëtowac tej niech sã zgłosy:) Oglowo recëtatorów dóme radã nôlezc.
Ale tak sobie mëslã żebë jaczis efektë specjalny dac, ale nie jem w tim za mòcnô, tedë rechùjã na ùdbë ZYMKòwców. Mómë kąsk dëtków na tã rozegracjã, tedë nawetka jakąs dekoracjã dô sã zrobic.
Rozëgracjô mdze abò 3 abò 6 lëstopadnika.
Mileczno rôczimë wszëtczich w piątk 17 séwnika ò 5 pp do Strzélnicë (adresa starnë òstrzódka) na zéńdzenié Zymkù.
Pò tim òdbãdze sã òbgôdanié sprawów sparlãczonëch z cządnikã ‘Chcemë le‘.
Rôczimë do Strzélnicë, a w przińdnym czasu do wespółrobòtë przë gazéce!
Dôwómë do wiédzë, że lëteracczé zéńdzenié mdze 11 i 12 séwnika (sobòta i niedzela) 2010 r. w „Ranczo przy Swierkach” w Pòtułach kòle Szimbarcha. Jak tam dojachac òbezdrzeta na kôrce: http://www.rancho.szymbark.pl/dojazd.html
Pòczątk gòdz. 12.00.
Dôjce téż znac na jaką témã mdzeta chcelë gadac 
Do ùczëcô a ùzdrzeniô
Rôczba
Lëterackô Warkòwniô
W dniach 31 lëpińca i 1 zélnika (sobòta i niedzela) w Kaszëbsczim Lëdowim Ùniwersytece we Wieżëcë mdze lëterackô warkòwiô. Ju terôzka mòżeta sã na niã zapisowac.
W programie:
Dzéń pierszi (31.7):
Pòczątk gòdz. 12.00
– swòje rozmëszlaniô ò kaszëbsczi lëteraturze zaprezentëją prof. Daniel Kalinowsczi ë Bògùsza Cyrockô,
– kôrbiónka,
– pôłenkò a krócëchnô przerwa,
– ùczbòwé zajmë. Kòżden z bëtników mdze miôł przërëchtowac jaką problemã zrzeszoną z lëteraturą ë ją zaprezeńtowac, np. òbgôdanié jaczégò dokôzu, nowòmódnô słowizna w lëteracczi kaszëbiznie, wëzwëskanié jinternacjonalizmów w pisanim, ëtd. (kòle 10-25 minut na jedną prezentacjã). Pò kòżdi prezentacji kôrbiónka,
– wieczerza, ògniszcze, wieczórk z pòézją, lózné kôrbiónczi
Dzéń drëdżi (1.8)
– frisztëk,
– drëdżi dzél ùczbòwëch zajmów.
Bôczënk młodi gazétnicë z Kaszëb!
Do 19 łżëkwiata mòżeta składac wniosczi ò sztipendium miona Ji. Trojanowsczi. Wicy dowiéta sã w tim môlu