ZYMK

Ùr. 10 lëpińca 1974 r. w Gdinie. Mieszkô w Mòstach w gminie Kòsôkòwò. Pò Spòdleczny Szkòle w Mòstach ë Liceùm w Gdinie, sztudérowała pedagògikã na Gduńsczim Ùniwersytece. Skùńcza téż Pòdiplomòwé Sztudium Regionalny ë Alternatiwny Edukacje ë Sztudium Ùczeniô Kaszëbsczégò Jãzëka. Robi w Spòdleczny Szkòle w Mòstach jakò szkólnô òd wczesny edukacje, ùczi regionalizmù ë kaszëbsczégò jãzëka, prowadzy téż regionalné karno. Pisze tekstë jasełków ë jinszëch dokôzów zrzeszonëch z kaszëbską kùlturą, pò pòlskù jak téż pò kaszëbskù. Òkróm tegò ùsôdzô téż wiérztë. Zadebiutowała w antologie wiérztów dlô dzecy E. ë E. Prëczkòwsczich Mësla dzecka (2001).