«
»

Zymkòwcë dobiwają

Òpùblikòwóné jakno: Klëka — Tadżi: , , , — Rómk @ 8:20 pp 18 czer. 2008 Dopòwiesców (2)

W niedzelã, 15 czerwińca, w wejrowsczim mùzeùm bëła ùroczëzna wrãczeniô nôdgrodów dobiwcóm pisarsczégò kònkùrsu miona Jana Drzéżdżóna.
Wëstrzód nôlepszich pisôrzów latoségò kònkùrsu w kaszëbsczi kategòrie bëlë Zymkòwcë: Dark Majkòwsczi (III môl za òpòwiôdanié Bùdzta spiącëch. Kaszëbsczé zwiercadło) ë Sławòmir Kraùse (wëprzédnienié za òpòwiôdanié Bielisë).
Pierszi môl dobëł Jerzi Hoppe z Rëmi (Ò pòdzymku 45 rokù przëszlë Ruscë…), drëdżi Kristina Lewna z Chmieleńca k. Bólszewa (Stach i Roch).
Òkróm tegò bëła téż promòcjô ksążczi pt. Rost na kamiznie, w chtërny nalazłë sã kaszëbsczé dokazë, m.jin. Zymkòwców: Grégòra J. Schramke, br. Zbigórza Joskòwsczégò, Rómana Drzéżdżóna, nôdgrodzoné w ùszłich kònkùrsach. Ksążkã mòże dostac w Mùzeùm Kaszëbskò-Pòmòrsczi Pismieniznë i Mùzyczi w Wejrowie.

Nen wpisënk òstôł dodóny w strz., 18, czer., 2008 ò 8:20 pp ë nalôzł sã w dzélu Klëka. Mòżeta dozérac nen wpisënk dzãka pòwrózkòwi RSS 2.0. You can skip to the end and leave a response. Pinging is currently not allowed.

Wiadła

ZYMK

Archiwa


ZYMK

ZYMK je niefòrmalną stowôrą zrzeszającą młodëch (dëchã nié całã) lëdzy, chtërny zajimają sã pisaniém dokôzów pò kaszëbskù. ZYMK nie je zapisóny w niżódnym sądze. ZYMK nikòmù nie słëchô. ZYMKÒWCË nie płacą niżódnëch skłôdków.

Nowé dopòwiescë

Czëtôjta pò kaszëbskù w sécë

2 Responses to “Zymkòwcë dobiwają”

  1. Mark Says:
    czer. 18th, 2008 at 8:38 pp

    Gratulëjã !!!
    òsoblëwié równak Wasce Hoppe.

  2. Rómk Says:
    czer. 18th, 2008 at 11:22 pp

    Jô téż gratulëjã wszëtczim dobëwcóm!
    Wszëtczich przëslónëch dokazów w kaszëbsczim dzélu bëlo blós/jaż (?) 10. Òpòwiôdanié przëslôl nawetka lubòtnik kaszëbiznë z czeszczi Pradżi (Kaszëbóm niechc sã pisac, a Czechóm jo :-) .
    Na ùroczëznie za wiele lëdzy nie bëlo (mòże temù, że to prawie niedzela bëla). Bëlno kaszëbsczi dzél òbgôda nôleżniczka latoségò juri Barbara Pisark. Z òbgôdônków znac je, że kaszëbskô lëteratura nie sedzy ju tak mòckò w skansenie, le wëchôdô òpisëjąc swiat.

Dodôj dopòwiesc