Téatralnô Jasséń 2008
Òrganizatorowie latosy Téatralny Jasseni serdeczno rôczą Zymkòwców na lëteracczé warkòwie, jaczé mdą 7 i 8 lëstopadnika w Bëtowie i Jasseni.
7 lëstopadnika (piątk) ò gòdz. 17.00 w bëtowsczim zómkù mdze kôrbiónka ò kaszëbsczi lëteraturze, to je ò felënkù kriticzi, ò pisarsczich jideòlogiach, nowëch pisarsczich zortach ëtd.
8 lëstopadnika (sobòta) ò gòdz. 10.00 w jassonsczi szkòle abò w dodomie kùlturë, mdze zéńdzenié z Danielã Kalinowsczim, jaczi mdze gôdôł ò téatrze, a pòtemù z Danielã Òdiją pisôrzã ze Sztolpù, chtëren mdze prawił ò pisarsczim fachù.
Je mòżlëwòsc spaniô w Jassoni.
ru. 12th, 2008 at 1:26 pp
Móm jesz dwa petania. Czë je tam wstãp wòlny ë czë je mòżlewòta dojachaniô do Bëtowa, np. z Wejrowa?
ru. 15th, 2008 at 10:04 pp
Wstãp je jak nôbarżi “wòlny” a nawetka mùszebny, bò to dlô piszącëch pò kaszëbskù, wtim téż Zymkòwców, no zéńdzenié je rëchtowóné. Jeżlë chtos mdze z Wejrowa jachôł aùtółã niech dô ò tim znac. Jinszé zapëtaniô mòżeta czerowac do Piotra Dzekanowsczégò z Bëtowsczégò Kùriera. Jegò émeljkastã nalézeta na starnie ti gazétë: http://www.kurierbytowski.com.pl/portal/index.php?option=com_content&task=view&id=12&Itemid=34
ru. 17th, 2008 at 10:50 pp
Pò kaszëbskù jô jiż belno nie rozmiejã pisac (co je widzec), a do Bëtowa jadã
w piątk ò 14.30 z Banina (bez Żukowo ë Kòscérzna), sama mòjim doblo
ru. 17th, 2008 at 11:20 pp
Jo, jô bë téż chãtno pòjachôł, le móm doch kąsk za dalek.
Bògùsza, céż të gôdôsz – czejbë kòżdi tak pisôł jak të, to bë ë ten naji csb.internet czësto jinaczi wëzdrzôł.
Pòżdrówczi
ru. 18th, 2008 at 7:07 pp
Marekù, Marekù, té jes kùńda
Jô bë sã chãtno ucza kaszëbsczégò na prôwdzewim kùrsu (w Akademii Kształcenia Zawodowego), le jô jem “pracodawca” (robiã sama u se), a kùrsë są blós dlô “pracobiorców” (lëdzy, co robią u jinszich lëdzy)
ru. 18th, 2008 at 7:11 pp
Mòja mëmka to gôdô wiedno “taczémù kùńdze to ùńdze”
A naùczëc, to sã gwës téż naùczisz doma – piszë mòże jak nôwicy do lëdzi. Mòżesz sã téż zaregistrowac na fòrumie Zymkù ë téż tej sej pòpisac w naji rodny mòwie – rôczã brateczno!!
Ps. Jô bëł krótkò òb lato w twòji rodny wsë z białką – ù Beatë
ru. 20th, 2008 at 9:47 pp
A jô Beatë nie widza lata lateczné…
, roczã serdeczno!
Marku, przejedzë z białką do Banina òb lato 2009, chòc na chwilã
A chto ze mną pòjedze do Bëtowa na kôrbiónka ò kaszëbsczi lëteraturze?
ru. 26th, 2008 at 11:31 pp
Jô sama ze sobą w Bëtowie mda kôrbic ò kaszëbsczi lëteraturze, ëtd.?
Hana, Të prôwda napisa w e-mailu – chto bãdze kritika jakąs robił (dzysdniowi lëteraturë), nie mdze miec wiele drëchów… Leno mie sã zdôwô, że Królewiónka je wôrt tegò, cobë sã westawic na koszta a mòże i na niebezpiek.
Jô nie skuńcza 3 fakultetów, blós jeden, i nie bëła to kaszubistyka ani slawistyka, równak jô sã tak meszla: żle jô tegò nie mda robic, to chto (Hana, Të tak nigdë nie mesla?)? Leno jô jiż brëkujã czasu i uczbë… Jô móm nôdzeja, że sfòrtujã. Nigle uczejã òstatni zwón.
ru. 27th, 2008 at 9:08 pp
Móm nôdzejã, że nié leno Të bãdzesz kôrbia w Bëtowie ò kaszëbsczi pismieniznie. Jô, jeżlë nick mie nie przeszkòdzy, téż sã tam wëbiéróm
Słôwk Fòrmella
ru. 28th, 2008 at 12:16 dp
To baro fejn! To jô chca uczec.