14 maja 2005 rokù w Mùzeum Pismienniznë ë Mùzyczi Kaszëbskô-Pòmòrsczi we Wejrowie òstôł rozstrzëgniãti X Òglowòpòlsczi Kònkùrs Prozatorsczi miona Jana Drzéżdżóna.
W kategòrëji dokazów pisónëch pò kaszëbskù dwa pierszé place zajãlë Zymkòwcë – Grégòr J. Schramke (I plac; za dokôz “W pòdzemny sôdze”) ë Róman Drzéżdżón (II plac, za dokôz “Przëjãcé”).
Òbadwa ne dokazë òstóną òpùlikòwóné w numrze 4/2005 (zélnik) dwamiesãcznika “Pomerania”, pòzni nalezą sã téż w pòkònkùrsowi antologiji kaszëbsczi prozë, jaczi pòsobné dzéle są wëdôwóné co pôrã lat (slédnô – “Kaszëbsczé dzeje ë dzysészé żëcé” – ùkôza sã w 2004, a nalazłë sã w ni dokazë nôdgrodzoné na nym kònkùrsu w latach 2000-2003).