ZYMK

15 łżëkwiata w Dodomie Kaszëbsczim w Dãbògórzim òdbãdze sã XIV kònkùrs kaszëbsczi gôdczi “Bë nie zabëc mòwë starków” miona Jana Drzéżdżóna. Latos wëstąpi 45 gôdôszów z pùcczégò pòwiatë, w szterzech wiekòwëch karnach (spòdleczné szkòłë kl. I-III ë IV-VI, gimnazja ë pònôdgimnazjalné szkòłë). Kòżdi mùszi zaprezentowac szteczk z kaszëbsczi pismieniznë ë gwôsny dokôz na wëbróny przez se temat.

Pòczątk jimprezë gòdz. 9.00, zakùńczenié kòle 15.30. Gôdôszów bdze òceniwała sãdzowskô kòmisjô w skłôdze: Elżbieta Derc - direchtór pòwiatowi biblioteczi w Pùckù, Stanisłôw Janke - pisôrz, Jerzi Łysk - pòéta. Kònkùrs pòprowadzą Jadwiga Piernickô ë Piotr Kaszuba. Wëstąpi téż chór Morzanie z Dãbògórzégò.

Òrganizatorama latosy jimprezë są: Mùzéùm Pùcczi Zemi, Pòwiatowé Starostwò w Pùckù, Wójt Gminë Kòsôkòwò, sołectwò Dãbògórzé ë òddzéł Zrzeszeniô Kaszëbskò-Pòmòrsczégò z Dãbògórza. Òkróm wëżi wëmienionëch kònkùrs wspòmôgają Mùzéùm Pismieniznë ë Mùzyczi Kaszëbskò-Pòmòrsczi w Wejrowie ë Wëdôwizna Region z Gdinië.
Gôdczi ùczestników bdze mòżna pòslëchac w Radio KASZËBË.

Nen wpisënk òstôł dodóny w nie., 6, stru., 2005 ò 8:54 pp ë nalôzł sã w dzélu Klëka. Mòżeta dozérac nen wpisënk dzãka pòwrózkòwi RSS 2.0. You can skip to the end and leave a response. Pinging is currently not allowed.