ZYMK

Bôczënk!
Z przëczënë niezanôleżny òd òrganizatorów Lëterackô Warkòwiô nie òdbãdze sã  na przełómanim lëpińca ë zélnika, leno 10 i 11 séwnika.

Rôczba

Lëterackô Warkòwniô

W dniach 31 lëpińca i 1 zélnika (sobòta i niedzela) w Kaszëbsczim Lëdowim Ùniwersytece we Wieżëcë mdze lëterackô warkòwiô. Ju terôzka mòżeta sã na niã zapisowac.

W programie:

Dzéń pierszi (31.7):
Pòczątk gòdz. 12.00
– swòje rozmëszlaniô ò kaszëbsczi lëteraturze zaprezentëją prof. Daniel Kalinowsczi ë Bògùsza Cyrockô,
– kôrbiónka,
– pôłenkò a krócëchnô przerwa,
– ùczbòwé zajmë. Kòżden z bëtników mdze miôł przërëchtowac jaką problemã zrzeszoną z lëteraturą ë ją zaprezeńtowac, np. òbgôdanié jaczégò dokôzu, nowòmódnô słowizna w lëteracczi kaszëbiznie, wëzwëskanié jinternacjonalizmów w pisanim, ëtd. (kòle 10-25 minut na jedną prezentacjã). Pò kòżdi prezentacji kôrbiónka,
– wieczerza, ògniszcze, wieczórk z pòézją, lózné kôrbiónczi

Dzéń drëdżi (1.8)
– frisztëk,
– drëdżi dzél ùczbòwëch zajmów.

W nen jastrowi czas
skłôdómë wszëtczim Czëtińcom a lubòtnikòm
zymkòwëch dokôzów
żëczbë ùbëtkù, redoscë, miłotë
bògatégò Zajca a mòcnégò dëgùsa!

Zymkòwcë

Bôczënk młodi gazétnicë z Kaszëb!
Do 19 łżëkwiata mòżeta składac wniosczi ò sztipendium miona Ji. Trojanowsczi. Wicy dowiéta sã w tim môlu

Rôczimë 13 gromicznika (sobòta) ò gòdz. 3 pp. do Wejrowa, do Pałacowi Restauracji w sklepie Mùzeum Kaszëbskò-Pòmòrsczi
Pismieniznë ë Mùzyczi
na òrganizacyjné pòtkanié ws.
pòwstaniô nowégò kaszëbsczégò cządnika.
Mdze mòżlëwòta pòdzeleniégò sã ùdbama na czerënk pismiona, pòtkac lëdzy w łep zaszłëch z gazétnictwã, a kùreszce zacząc przigòdã ze sznëprowanim za wëdarzeniama jaczé wôrt je òpisac.
Milëczno rôczimë do wespółrobòtë!

Prosto, prosto we gwiôzdë
Deja je prostô. Wcësnąc przëtłocznik kòmpùtrowégò editora tekstu, żebë dało “open new document”. A tej zacznieta klepac niedługą (do 10 starnów A4) pòwiôstkã. Téma téż je prostô. Science fiction. Czej akùrôt w głowie ni mòżeta nalezc jaczi pasowny ùdbë tedë schwëcëta “Świat Nauki” abò cos, dze piszą ò genach, galaktikach, nônowszim spòsobie na gripã, przewòdzenim sztrómù bez żelazło, jaczi je cepłi le 50 K a jinszich nôùkòwëch rozmajitoscach. Do tegò dotegùjta prizã z ùsëpim wëòbraznie. Tak so to wszëstkò zrzëszta a jidzta na ùpart, żebë skùńczëc pisanié.
Dali téż prosto. Jak ju pòwiôstka mdze fertich wëdrëkùjta ji 3 egzemplérë, a pòdpiszta nieprôwdzëwim mionã (gòdło). To miono z dopisanim chto pò prôwdze jesta, dze mieszkôta a waji mòbilkã (telefón) włożta do môłi kùwertë. Tak wezta i drëgą, wiãkszą do jaczi wcësnieta ną małą kùwertã a pòwieloną (3 razë) pòwiôstkã.
Adresa napiszta taką:

77-100 Bëtowò, sza.Zelonô 5.

Co tej? Tej prosto na pòcztã.
Më, to je „Stegna” (dodôwk do cządnika „Pòmeraniô”) a „Bëtowsczi Kùrier” bãdzemë czekelë za waszima dokôzama do pół gromicznika (15.02.2010). Pòtim naju szpeckòmisjô dokładno przezdrzi wszëstkò co nama brifka przëniese. Pózni bãdze sejmikòwała, wedle tegò chto napisôł cekawò, chto mô bëlny jãzëk (na òrtografiã nie mdze zdrzała) a kogò je rôd czëtac. Tak (mòże w strëmannikù 2010), czësto prosto, wëjawimë jakô pòwiôstka sã nama nôbarżi ùwidzała. Ji autor dostónie nôdgrodã. Bãdzemë téż drëkòwac nôlepszé dokôzë.
Rôczimë do naszégò kònkùrsu.

Ùkôzôł sã 8 numer lëteracczégò zsziwkù ZYMK.
Promòcjô bëła 29 gòdnika 2009 rokù w Mùzeum Kaszëbskò-Pòmòrsczi Pismieniznë i Mùzyczi w Wejrowie.

W zsziwkù mòże nalezc dokôzë pòstãpnëch aùtorów:
Macéj Dorau – wiérztë
Róman Drzéżdżón – dokôz na binã pt. Niesama
Tomôsz Fópka – frantówczi (z nótama)
Słôwk Fòrmella – dokôz s-f pt. Ògrańczenié
Adam Hébel – wiérztë
Hana Makùrôt – wiérztë ë òpòwiôdanié pt. Nënka, a co to je ból?
Jón Natrzecy – òpòwiôdanié pt. Gapiór
Ana Różk – dokôz na binã pt. Jasełka
Grégòr J. Schramke – òpòwiôdanié pt. Szeptanié w jeséniowi dôce zaklãté
Karolëna Serkòwskô – wiérztë

Zsziwk wëdelë:
Wëdôwizna Región z Gdinie ë Mùzeum Kaszëbskò-Pòmòrsczi Pismieniznë i Mùzyczi w Wejrowie, za co baro dzãkùjemë!

Zsziwk wëdóny òstôł dzãka dëtkóm
Ministra Bënowëch Sprôw ë Administracje

Zéńdzenié Młodëch Ùtwórców Kaszëbsczich ZYMK
Mùzeum Kaszëbskò-Pòmòrsczi Pismieniznë w Wejrowie
Wëdôwizna Región z Gdinie
serdeczno rôczą na promòcjã

8 zsziwkù Zymkù

jakô mdze 29 gòdnika (wtórk) ò gòdz. 5 pp
w wejrowsczim mùzeum

14 lëstopadnika (sobòta) rôczimë na zéńdzenié Zymkòwców do Gimnazëji m. Kaszëbsczich Pisarzów w Lëzënie. Zôczątk: godz. 4 pp., zetkanié z Czëtińcama mdze gòdzënã pózdni.

PS. Dôjta Alicje znac chto przëjedze!

Serdeczno rôczimë na zéńdzenié Zymkù jaczé mdze 16 maja w Mùzeum Pismieniznë i Kaszëbskò-Pòmòrsczi Mùzyczi w Wejrowie.

Zôczątk gòdzëna 11.00