Mùzeùm Kaszëbskò-Pòmòrsczi Pismieniznë i Mùzyczi w Wejrowie
rôczi na promòcjã ksążczi
br. Zbigórza Joskòwsczégò
pt.:
BISKUPI Z ZIEMI KASZUBSKIEJ
Słownik biograficzny
chtërnô mdze 5 lëpińca 2008 rokù, ò gòdz. 6 pp
w Mùzeùm kòl szasé Zómkòwi 2a w Wejrowie
Laùdacjã wëgłoszi ks. Leszk Jażdżewsczi
Mni
Wicy
W niedzelã, 15 czerwińca, w wejrowsczim mùzeùm bëła ùroczëzna wrãczeniô nôdgrodów dobiwcóm pisarsczégò kònkùrsu miona Jana Drzéżdżóna.
Wëstrzód nôlepszich pisôrzów latoségò kònkùrsu w kaszëbsczi kategòrie bëlë Zymkòwcë: Dark Majkòwsczi (III môl za òpòwiôdanié Bùdzta spiącëch. Kaszëbsczé zwiercadło) ë Sławòmir Kraùse (wëprzédnienié za òpòwiôdanié Bielisë).
Pierszi môl dobëł Jerzi Hoppe z Rëmi (Ò pòdzymku 45 rokù przëszlë Ruscë…), drëdżi Kristina Lewna z Chmieleńca k. Bólszewa (Stach i Roch).
Òkróm tegò bëła téż promòcjô ksążczi pt. Rost na kamiznie, w chtërny nalazłë sã kaszëbsczé dokazë, m.jin. Zymkòwców: Grégòra J. Schramke, br. Zbigórza Joskòwsczégò, Rómana Drzéżdżóna, nôdgrodzoné w ùszłich kònkùrsach. Ksążkã mòże dostac w Mùzeùm Kaszëbskò-Pòmòrsczi Pismieniznë i Mùzyczi w Wejrowie.
Part Kaszëbskò-Pòmòrsczégò Zrzeszeniô w Baninie
razã z
Zespòłã Òglowòsztôłcącëch Szkòłów nr 2 w Kartuzach
ë Partã Kaszëbskò-Pòmòrsczégò Zrzeszeniô w Kartuzach
rôczą na
II FESTIWAL KASZËBSCZÉGÒ HÙMÒRU
SZPÒRT MÙSZI BËC
jaczi mdze 15 czerwińca (niedzela), ò gòdz. 1 pp.
w Zespòle Òglowòsztôłcącëch Szkòłów w Kartuzach, òs. Wëbicczégò 33
Mùzeùm Kaszëbskò-Pòmòrsczi Pismieniznë ë Mùzyczi w Wejrowie
rôczi na zakùńczenié
prozatorsczégò kònkùrsu m. Jana Drzéżdżóna,
jaczé mdze 15 czerwińca (niedzela)
ò gòdz. 4 pp.
w sedzbie mùzeùm kòl szasé Zómkòwi 2a.
Do Kòscérznë Zymkòwcë wëbiéralë sã czile razy, jednakò dopiérze 31 maja 2008 r. ùdało sã nama zawitac w tim pësznym kaszëbsczim gardze. Do Centrum Kaszëbsczi Kùlturë zaproszëła naju Katarzëna Knopik, direchtórka ny jinstitucje (zó co ji wiôlgô dzãka!). Na zéńdzenim bëło 5 sztëk Zymkòwców: Słôwk Kraùse, Słôwk Fòrmella, Wòjcech Mëszk, Róman Drzéżdżón ë na sztót przëjachôł redachtór Radia Kaszëbë, Dark Majkòwsczi (jakno gazétnik mùszôł bëc w wiele môlach w jednym czasu 
) Òkróm lëteratów bëło téż czile słëchińców (kąsk mało, ale lepszi bëlny słëchińc, jak żóden), jaczi cerplëwie, ùwôżno ë z zaczekawienim słëchalë naszich dokazów. Słôwk Kraùse przëczëtôł zôczątk swòji pòwiescë, za jaką dostôł wëróżnienié na latosym òglowòpòlsczim kònkùrsu m. J. Drzéżdżóna w Wejrowie. Chòc je to dopiérze pierszô wersjô pòwiesce (niewëmùjkónô), tej jednakò zrobiła òna wiôldżé wrażenié na słëchińcach. Słôwk Fòrmellów jak wiedno rozsmiészôł swòjima krótczima satiricznëma dokazama, jistno jak Róman Drzéżdżón, chtëren dôł do pòszmakaniô czile felietónów ë rimòwónëch wiérztów. Pòwôżniészé dokazë z Zymkù 6 przëczëtôł Wòjcech Mëszk… czim dôł zeszłim Kòscérzôkóm do wiédzë, że w jejich gardze téż są lëdze, jaczi piszą bëlné dokazë pò kaszëbskù.
Wieczór minąn nama na kôrbiónce ò wszelejaczich sprawach, noc w gòscynnëch mùrach Strzélnicë bëła spòkójnô a cepłi słunkòwi pòrénk rôczëł naju na wanogã pò Kaszëbach. Temù pòjachalë më “trãpnąc nogą” na kòscérsczi rënk a stamtądka do snôżi wsë Juszczi. Òczarzony pësznoscą stôrëch-nowëch chëczi, bez las, piôszczëstą drogą, jachalë më do Wdzëdzów òdwiedzëc Wòjcecha Mëszka, jaczi w skansenowi szkòle pilëje pòrządkù, òpòwiôdô historiã negò bùdinkù, ë ùczi letników kaszëbsczégò jãzëka.
W gòspòdze zjôdlë mô pôłenkò ë jachalë do kaszëbsczi stolëcë - Gduńska, dze òddzãkòwalë më sã ze Sławekã Fòrmellą ë jegò brutką Aną. Pòtemù czas bëło jachac na Nordã - dodom.
Pòstãpné zéńdzenié mdze gwës dopiérze na jeséń, terô czas pisac ë składac tekstë do latoségò zsziwkù Zymkù.
Tej, piszący, do robòtë! Na waju dokazë żdajemë do kùńca czerwińca.
Tuwo czile òdjimków aùtorstwa Sławeka Fòrmelle:
Serdeczno rôczimë na zéńdzenié ZYMKÙ do Centrum Kaszëbsczi Kùlturë w Koscérznie (Strzelnica), szasé Strzelnica 2, jaczé mdze 31 maja (sobòta) ò gòdz. 6 pp.
Swòje pòeticczé, prozatorsczé ë satiriczné dokazë zaprezentëją: Wòjcech Mëszk, Sławòmir Kraùse, Sławòmir Fòrmella ë Róman Drzéżdżón.
Mdze téż kôrbiónka ò kaszëbsczi lëteraturze ë sprawach wszlejaczich.
Zymkòwcë!
Rôczimë do ùsadzeniô tekstów, chtërné mòże zaspiéwac w ritmie hip-hòp. Témą je Aleksander Majkòwsczi ë jegò ùtwórstwò. Mòże na przëmiôr wëswëskac jegò dokazë. Tekstë ni mùszą bëc rimòwóné.
Wëbróné tekstë mdą nagróné ë wëdóné na platce.
Dokazë nót je sélac, do kùńca maja, do Tomeka Fópczi, chtëren je kòòrdinatorã negò projektë.
Tej do robòtë!
Zymkòwcë nié blós razã wëdôwają swòje dokazë, ale téż òsóbno. Łoni w wëdôwiznie Region z Gdinie ùkôzałë sã zbiérczi Tómka Fópczi: Szlachama Kùsków, Szlachama wzdichnieniów, Szpòrtë swòjsczé ë kùpczé òd Tómka Fópczi. Latos, prawie na kùńc zëmë, z ti sami wëdôwiznë wëszedł zbiérk wiérztów Rómka Drzéżdżónka pt. @laże! @lano! wiérztczi do smiéchù a ùsmiéchù. Je w nym 26 rimòwónëch sztëczków gëldzącëch m.jin. pòlitików ë òpisëjącëch kaszëbsczé zwëczi. Wiadło ò nym zbiérkù nalezc téż mòże na stronie: www.fopke.pl
Ksążeczka mòże kùpic za 4.30 zł w wëdôwiznie Region.
Mùzeùm Pismieniznë ë Kaszëbskò-Pòmòrsczi Mùzyczi w Wejrowie, Kaszëbskò-Pòmòrsczé Zrzeszenié, Pòwiatowé Starostwò w Wejrowie ògłôszô XIII Prozatorsczi Kònkùrs m. Jana Drzéżdżóna.
Zëmòwò zëmkò, jednakò zymkòwò – tak mòże w skrócënkù òpisac zéńdzenié kaszëbsczich pisôrzów, jaczé òdbëło sã 23 gromicznika w Kaszëbsczim Dodomie w Rëmi. W nym môlu serdeczno dzãkùjemë za ùżiczenié zalë partowi KPZ w Rëmi. Czëtôj wicy z ‘Zëmòwi ZYMK w Rëmi’
Slédné dopòwiescë